Louis van Gaal kayatoa ya moyoni…. anataka nani ashinde Ballon d’Or 2014? Ronaldo na Messi ?

 
Wanaowania tuzo ya Ballon d’Or 2014 walishatangazwa ambapo list hiyo pia inawahusisha mastaa wa soka kama Cristiano Ronaldo na Lionel Messi, huku list hiyo ikiwa pia na wachezaji wa Ujerumani iliyoshinda kombe la dunia mwaka 2014 nchini Brazil.
Baada ya ushindi wa Ronaldo na Messi kuchukua headlines sana kocha wa Manchester United Louis van Gaal (63) ameamua kuyatoa ya moyoni na kusema mwaka huu Ronaldo na Messi hawatakiwi kuchukua hiyo tuzo bali ni halali ikachukuliwa na mchezaji wa Ujerumani.
Wajerumani wanaowania tuzo hiyo ni Mario Gotze, Toni Kroos, Philipp Lahm, Thomas Muller, Manuel Neuer na Bastian Schweinsteiger.
 
Anasema ‘Naamini Ujerumani inafaa kuchukua hii tuzo, mara nyingi imekua tu ni wachezaji maarufu/wanaofahamika ndio wanashinda hii tuzo, kitu kikubwa kushinda ni kombe la dunia ndio maana naamini itachukuliwa na mchezaji wa Ujerumani sababu kiukweli wanastahili‘
 
Umeonaje mawazo ya Van Gaal? ungependa nani ashinde Ballon d’Or ya 2014 mtu wangu? naomba niachie maoni yako kwenye comment hapa chini.

Read More

Baada ya kuandikwa amemuomba Diamond collabo, Jose Chameleone ametoa haya majibu

 
Ni stori nyingi tunakutana nazo kwenye vyombo vya habari kila tunapoamka na mara nyingi tunaamka nazo kwenye mitandao ya kijamii moja wapo ikiwa hii ya mwimbaji wa Uganda Jose Chameleone kudaiwa kumuomba Diamond wafanye collabo.
Kwenye interview na Mambo Mseto ya Radio Citizen November 19 2014 Chameleone amekanusha hizo taarifa kwa kusema ‘kitu ambacho nitakwambia kabla ya kusema chochote, mimi naheshimu wasanii wote mashariki na duniani na nataka niwakumbushe kitu kingine, nimekaa kwenye muziki kwa miaka kumi na nne… mimi sio msanii mchanga’
 
‘Ilikua ni uongo sijui umetokea wapi eti mimi nimemuomba collabo, Yes…. tunaweza kufanya collabo lakini mimi sijamuomba collabo, wamesema mimi nimezungumza na Diamond kwenye whatsapp… yes tumezungumza lakini ilikua ni kirafiki wala hatujaongea maneno ya kimuziki’ – Jose
‘Mimi ni msanii mkubwa, sio msanii mchanga… naheshimu kila msanii kuanzia mchanga mpaka mkubwa na vilevile mimi pia ni msanii mkubwa na siwezi kuomba collabo kama hivyo, nimeshangazwa sana’

Read More

Kauli ya Raisi wa Simba kuhusu usajili wa Mnigeria Emeh Izechukwu

Siku chache baada ya dirisha la usajili kufunguliwa kumekuwepo na tetesi za usajili kumhusu mshambuliaji wa kinigeria Emeh Izuchukwu kurudi Msimbazi.
Lakini Rais wa Simba SC, Evans Elieza Aveva amesema kwamba hawana nafasi ya kusajili ya mshambuliaji wa kigeni na kwamba Emmanuel Okwi, Amisi Tambwe na Paul Kiongera wanawatosha.
Kauli hiyo ya Aveva inakuja wakati tayari vyombo vya habari vimekuwa vikiwahusisha washambuliaji Mnigeria, Emeh Izuchukwu na Mganda Danny
Sserunkuma kusajiliwa na Simba.
Aveva amesema kwamba Izuchukwu ambaye ni mchezaji wao wa zamani, ameomba mwenyewe kurejea kuchezea klabu hiyo, lakini anasikitika hawana nafasi ya mchezaji
wa kigeni.
“Hao wachezaji wengine hao, ni magazeti tu yamekuwa yakiandika, lakini ukweli ni kwamba hatujazungumza nao,”amesema Aveva

Read More

Kwa wale watumiaji wa mboga za majani Dar, hii imetokea jana kwenye habari

Huenda wewe ni mmoja kati ya walaji wa mbogamboga za majani lakini hujui mboga hizi zinalimwa katika mazingira gani… sasa baraza la mazingira Tanzania NEMC limebaini kuwa wakulima wa mboga za majani Dar wamekuwa wakitumia majitaka kumwagilia hizi mboga.
Afisa wa NEMC amezungumza na ITV na kusema; “… Kama Serikali hatuwezi kuruhusu kitu kama hicho.. hatutaruhusu tena kumwagilia kinyesi kwenye mchicha, haturuhusu hicho kitu, hakuna serikali hiyo ambayo itaruhusu vitu hivi…”
Kama unataka kuisikiliza taarifa hiyo bonyeza play hapa.

Read More

Mwanamke ajitoa mhanga chuoni Nigeria

 
Wapiganaji wa Boko Haram wamekuwa kero kwa serikali na wananchi wa Nigeria 

Mwanamke mmoja amejilipua katika chuo cha mafunzo Kaskazini mwa Nigeria.

Walioshuhudia shambulizi hilo wanasema kuwa bomu lililipuka huku mwanamke huyo akijiandaa kuingia katika ukumbi uliokuwa umejaa wanafunzi mjini Kontagora.
Idadi ya majeruhi bado haijulikani , lakini mwalimu mmoja alimbia BBC kuwa aliona miili minne ikiwa katika hali mbaya.
Wapiganaji wa kiisilamu Boko Haram wanaendesha harakati za kivita dhidi ya serikali ya Nigeria, harakati ambazo zimekuwa zikiendelea kwa miaka mitano iliyopita.
Kundi la Boko Haram, limeyatangaza kuwa dola za kiisilamu baadhi ya majimbo wanayoyadhibiti, Kaskazini Mashariki mwa Nigeria. .
Kadhalika kundi hilo limekuwa likifanya mashambulizi na mauaji Kaskazini Mashariki mwa Nigeria tangu kuanzisha harakati zake mwaka 2009.
Watu wanasema walisikia mlio mikubwa kabla ya watu kuanza kukimbilia usalama wao.
Wanajeshi walikimbia kwa harakan katika kituo hicho baada ya shambulizi na hata kuziba eneo zima.
Tatu kati ya miili minne iliyoonekana ilikuwa ya wanawake.
Baadhi ya walioshuhudia shambulizi hilo walisema kuwa mwanamke aliyekuwa amejifunga mabomu hayo pia aliuawa.
Takriban watu 7 walijeruhiwa vibaya ingawa walikimbizwa hospitalini kwa matibabu.

Read More

Soma kuhusu binti aliyeamua kuongeza titi la tatu katika mwili wake

Kweli duniani kuna vituko na ndivyo ilivyotokea kwa binti mmoja mwenye umri wa miaka21 baada yakufanyiwa upasuaji wa kuongeza titi la tatu katika mwili wake.
Binti huyo aliyejulikana kama Jasmine Tridevil alitumia pauni 12,000 za kimarekani sawa na zaidi ya milioni20 za kitanzania kwa ajili ya kufanya upasuaji ili  mradi aongeze kiungo hicho.
Katika makala iliyoandikwa na Gazeti la JAMBOLEO msichana huyo kutoka Marekani alisema kuwa alianza kuhifadhi fedha kwa ajili ya upasuaji huo kwa miaka miwili iliyopita ilimradi atimize azma yake.
Madaktari waliomfanyia upasuaji huo walikata sehemu ya nyama ya tumbo lake kwa ajili ya kupachika kiungo alichokua akikitaka katika sehemu ya kifua chake.
Awali aliita zaidi ya madaktari 50 ili kufanya zoezi hilo lakini walikataa kumfanyia upasuaji huo na ndipo baadhi ya madaktari wakajitokeza na kukubali.
Hata hivyo kwa mujibu wa mmoja wa madaktari hao alisema titi la tatu halitakua na uwezo wa kufanya kazi kama yalivyo mengine mawili ila kikubwa anapenda kuwa katika hali hiyo.
Akizungumzia hatua ya wazazi wake baada ya kitendo chake alisema kuwa hawakupendezwa nacho hadi kufikia hatua ya kukataa kuongea naye kabisa.

Read More

Alichojibu Guardiola baada ya kuulizwa kama ataifundisha tena Barcelona

Miaka takribani mitatu baada kuacha kuifundisha klabu ya FC Barcelona, kocha Pep Guardiola amezungumzia kama ikitokea nafasi ya kurudi Nou Camp – atakubali kuifundisha timu hiyo.
Akizungumza na gazeti la Mundo Deportivo Guardiola ambaye alijiunga na Bayern Munich mwaka 2013 baada ya mapumziko ya mwaka mmoja baada ya kuondoka Barca – amesisitiza haoni namna anaweza kurudi kuifundisha klabu hiyo, kwa sababu alishamaliza kazi yake.
Boss huyo wa Bayern Munich alitumia miaka minne Nou Camp – akitengeneza timu ambayo inatajwa kuwa bora kuliko zote katika historia ya soka wakishinda makombe mawili ya ulaya na La Liga mara 3 kuanzia mwaka 2008 mpaka 2012.
Baada ya miezi 12 ya mapumziko, Guardiola aliteuliwa kuwa kocha wa Bayern Munich mwaka jana, japokuwa mara kwa mara imekuwa ikiripotiwa kwamba anaweza kurejea kuifundisha Barca kwa muhula wa pili.
Lakini wakati kocha huyo mwenye miaka 43 akiwa anakiri kwamba atarudi Catalonia kwenda kuishi na mkewe, anasema sio kwenda kuifundisha Barca tena.
“Kwa haraka haraka tu naweza kukwambia kwamba sitoifundisha tena Barca. Naamini kuna maduara kwenye maisha – langu mie na Barca lilishaisha,” aliiambia Mundo Deportivo.
“Mke wangu anafanya kazi jijini Barcelona na wazo ni kurejea tena hapa na kuishi na familia yangu, lakini sijui lini hiyo itakuwa.”

Read More