BIASHARA imekwisha! Ndivyo unavyoweza kusema kufuatia ‘kapo’ ya staa wa
Bongo Fleva, Nasibu Abdul ‘Diamond Platnumz’ na Zarinah Hassan ‘Zari The
Boss Lady’ kudaiwa kuwa waliweka misingi ya penzi zito ili Diamond
apate mtoto hivyo baada ya mrembo huyo kujifungua Latifah ‘Tiffah’ miezi
miwili iliyopita, penzi halitakuwa motomoto kama zamani, Risasi
Jumamosi lina ‘full’ stori.
Chanzo cha uhakika kilicho karibu na wawili hao, kimesema makubaliano ya
awali baina ya wazazi hao, yalikuwa ni kwa mwanamke huyo raia wa
Uganda, kumzalia mtoto Diamond ambaye alikuwa akisaka ubaba kwa udi na
uvumba.
TUJIUNGE NA CHANZO
“Wote mnajua jinsi Diamond alivyokuwa akihangaika kupata mtoto, maana
wapenzi wake wote wa awali hawakuweza kumzalia. Sasa alipokutana na Zari
ambaye tayari alikuwa na watoto, wakakubaliana kwa masharti kuwa ndani
ya muda f’lani, amzalie.
“Sasa ndiyo ikawa hivyo, baada ya Tiffah kuzaliwa, kila mtu sasa yupo
huru kufanya yake, ndiyo maana Zari amerudi kwake Afrika Kusini ‘Sauz’
na hawezi kuja kuendelea kuishi na Diamond kama wakati ule wa ujauzito.
“Kule Sauz, Zari anaendelea na biashara zake na nimesikia kwa sasa
anaandaa Zari All White Party kama ile aliyoifanya Mlimani City hapa
Bongo,” kilisema chanzo chetu.
Msanii chipukizi wa lebo ya Wasafi Classic Baby ‘WBC’ aitwaye Harmonizer akilishwa keki na Rose.
KWA NINI HAWEZI KURUDI?
Chanzo hicho kiliendelea kutoboa siri kwamba, pamoja na makubaliano ya
kuzaa, lakini pia mazingira ya sasa ya makazi ya Diamond hayatoi nafasi
kwa mwanamke huyo mwenye fedha ambaye pia ni msanii, kuweza kuishi.
“Sasa hivi pale nyumbani kwa Diamond kumejaa, imekuwa familia kubwa.
Maana kuna mjomba wake Diamond anaishi pale, dada zake wawili, Esma na
Queen Darleen wanaishi pale. Mama yake Diamond (Sanura Kasim) yupo pale.
“Haya, achana na ndugu wengine. Lakini pia kuna wasichana wa kazi wawili
na mlinzi mmoja. Sasa kwa mtu kama Zari ambaye maisha yake ni ya
kisupastaa hawezi kuishi kwenye nyumba yenye watu wengi hivyo.”
ZARI ANAOGOPA UMBEYA
“Pia inasemekana Zari hataki kuishi na wifi zake kwa sababu anaogopa
umbeya. Hata wakati ule alipokuwa mjamzito mpaka kujifungua, hakuwa mtu
wa kujichanganya nao sana. Alikuwa mtu wa peke yake peke yake tu.”
HAKUNA TENA MAPENZI?
“Taarifa nilizonazo ni kuwa, Diamond na Zari watakuwa wanaendelea na
uhusiano wao wa kimapenzi lakini si ule wa kama awali. Ila wataendelea
kuwa watu waliozaa mtoto na maisha ya Tiffah yataendelea kuwa kwa mama
yake hadi hapo watakapoamua vinginevyo. Zari anaweza kuja Bongo na
Diamond anaweza kwenda Sauz kwa Zari.”
“Zari hataki kuishi Tanzania, anataka Tiffah aishi na ndugu zake kule
Sauz hadi akue na kuanza masomo. Kwa hiyo usitegemee ule ukaribu kama wa
mwanzo.”
KUHUSU DIAMOND!
Jitihada za kumpata Diamond ili aweze kuzungumzia suala hilo ziligonga
mwamba ikielezwa kuwa yupo nchini Marekani katika shughuli za kimuziki.
Hata alipotumiwa meseji kwa njia ya Mtandao wa WhatsApp hakujibu.
Hata hivyo, mtu wake wa karibu ambaye hakupenda jina lake lichorwe gazetini, alitatizwa na suala hili akisema:
“Dah! Wabongo bwana! Ninachojua mimi ni kuwa, bado watakuwa wapenzi
japokuwa siwasemei maana Diamond naye haaminiki sana. Si unajua
ameshapata mtoto, lolote linaweza kutokea.
“Ila Diamond akimhitaji Zari aje Tanzania anaweza kuja, akitaka aende
Sauz atakwenda kwa sababu Tiffah lazima alelewe na wazazi wote.
“Halafu lazima ujue kwamba, Zari ni mfanyabiashara, ana biashara zake
Afrika Kusini na Uganda. Kwa hiyo siyo mtu ambaye unaweza kumtegemea
akae sehemu moja tu.”
Rais Jakaya Kikwete amesema watu wanaopanga kubaki katika vituo vya
kupigia kura baada ya kumaliza zoezi hilo kwa lengo la kulinda kura
kunaashiria uvunjaji amani, hivyo serikali imejipanga kupambana na hali
hiyo siku ya uchaguzi.
Rais amesisitiza kwamba wanaopaswa kulinda kura ni mawakala pekee na si wafuasi wa mgombea ama vyama.
Akizungumza jana katika sherehe za Kilele cha Mwenge wa Uhuru
zilizofanyika Uwanja wa Jamhuri mjini Dodoma, kiongozi huyo anayemalizia
muda wake madarakani alisema viongozi wanaowaagiza wafuasi wao kulinda
kura wana nia mbaya dhidi ya amani ya nchi.
“Mnatakiwa muondoke kwenye vituo baada ya kupiga kura….kura
utazilindaje? Mawakala ndio pekee wanaoweza kulinda. Mkikaidi hilo,
hatutawavulimia. Serikali imejipanga kupambana na wale wote watakaokaidi
agizo la Tume ya Uchaguzi (NEC),” alisisitiza Rais Jakaya Kikwete.
Katika shehere hizo za mwenge zilizoendana sambamba na maadhimisho ya
siku ya kumuenzi Baba wa Taifa, Mwalimu Julius Nyerere, Rais Kikwete
aliwataka Watanzania kuchagua watu waadilifu ambao wana dhamira ya
kupambana na rushwa kwa vitendo.
“Tumchague mtu ambaye hana ukabila, udini na ubaguzi wa rangi…tumchague
kiongozi atakayetetea maslahi ya makabila yote 126,” alisema rais huku
akimnukuu Mwalimu Nyerere aliyefariki miaka 16 iliyopita.
Sherehe hiyo ilihudhuriwa pia na Spika wa Bunge anayemaliza muda wake,
Anne Makinda, wakuu wa mikoa na viongozi wengine wa ngazi tofauti
serikalini na kupambwa na nyimbo za makabila na wanafunzi wa shule
mbalimbali mjini Dodoma.
MGOMBEA urais wa Chama Cha Mapinduzi (CCM), John Magufuli amemmwagia
sifa lukuki, mkali wao ndani ya muziki wa Bongo Fleva, Nasibu Abdul
‘Diamond’ kutokana na ushindi wa tuzo tatu za Afrimma zilizofanyika
wikiendi iliyopita nchini Marekani
Tukio hili lilitokea katika Viwanja vya Shule ya Msingi Mpilipili mkoani
Lindi baada ya staa wa Bongo Fleva, Ali Saleh Kiba kushuka jukwaani
kukamua kwenye kampeni za mgombea huyo wa urais, ndipo Magufuli alishika
kipaza sauti na kumsifia Diamond aliyeshinda tuzo za Msanii Bora wa
Kiume Afrika Mashariki, Msanii Bora wa Mwaka na Utumbuizaji Bora wa
Video.
“Ukweli nampongeza sana msanii Diamond kwa jinsi anavyojituma na
kuipeperusha vyema bendera ya taifa letu…,” alisema Magufuli huku pia
akiwapongeza Ommy Dimpoz na Vanesa Mdee walioshinda tuzo tofauti katika
kinyang’anyiro hicho.
Aidha, katika kampeni hizo Magufuli aliwaahidi wakazi wa mji huo
kuwajengea Lindi mpya ambayo itakuwa ya neema kupitia gesi inayopatikana
kwenye ukanda huo, unafuu wa vifaa vya ujenzi ikiwemo saruji ‘cement’
iliyoanza kupatikana kwa bei ya shilingi 8,000 kwenye kiwanda cha
Dangote kilichopo Mtwara, zao la korosho ambalo Magufuli alijinandi kuwa
na digrii ya zao hilo.
Rihanna anasema yeye ni kama wanawake wengine kiasi cha kuwa na hamu ya
kufanya mapenzi na kwamba hajavunja amri ya sita kwa muda mrefu sasa.
rihanna-cover
Akiongea kwenye jarida la Vanity Fair, Rihanna alisema hawezi tu kufanya mapenzi na mtu ambaye hajamuingia moyo.
Haya ndio aliyoyasema:
If I wanted to I would completely do that. I am going to do what
makes me feel happy, what I feel like doing. But that would be empty for
me; that to me is a hollow move. I would wake up the next day feeling
like s–t,” she shared. “That’s why I haven’t been having sex or even
really seeing anybody. Because I don’t want to wake up the next day
feeling guilty. I mean I get horny, I’m human, I’m a woman, I want to
have sex. But what am I going to do—just find the first random cute dude
that I think is going to be a great ride for the night and then
tomorrow I wake up feeling empty and hollow? He has a great story and
I’m like … what am I doing? I can’t do it to myself. I cannot. It has a
little bit to do with fame and a lot to do with the woman that I am. And
that saves me.”
Kwenye mahojiano hayo pia, Rihanna alizungumza uhusiano wake na Chris
Brown. “Nilikuwa msichana yule,” alisema Rihanna kueleza kwanini
alimrudia Chris Brown licha ya kumjeruhi vibaya mwaka 2009.
“Msichana yule aliyehisi maumivu makali kama uhusiano huu ulivyokuwa,
pengine watu wengine wameumbwa kuwa na nguvu kuliko wengine. Pengine
mimi ni miongoni mwa wale watu ambao wameumbwa kumudu mambo kama haya.
Pengine mimi ni mtu ambaye ni kama malaika wa ulinzi kwa mtu huyu,
kuwepo pale wanapokuwa hawajiwezi, pale wanaposhindwa kuielewa dunia,
pindi wanapohitaji tu mtu wa kuwapa moyo katika njia chanya na kusema
mambo sahihi.”
Rihanna anadai alidhani angembadilisha Breezy.
“Kwa asilimia mia. Nilikuwa nikimtetea sana,” alieleza Rihanna.
“Nilihisi kwamba watu walikuwa hamwelewi. Lakini unajua, unagundua
baada ya muda kuwa katika mazingira hayo wewe ndiye adui. Unataka mambo
mema kwao, lakini unapowakumbusha kuhusu waliyokosea, ama kama
ukiwakumbusha vipindi vibaya katika maisha yao, ama tu ukisema nipo
tayari kuvumilia jambo fulani, hawakufirii – kwasababu wanajua
haustahili kile wanachoenda kukupa.”
Pamoja na hayo, Rihanna amesema hamchukii CB.
“Nitamjali mpaka siku nakufa. Sisi sio marafiki lakini si kwamba ni maadui. Hatuna uhusiano mkubwa sasa.”
Uongozi wa Uchumi Supermarket umetangaza kufunga shughuli zake katika
maduka yake yaliyopo Tanzania na Uganda ili kutoa nafasi ya kuzuia
mtikisiko wa kifedha unaoikumba kampuni hiyo.
Ofisa Mtendaji Mkuu wa Uchumi, Dk Julius Kipng'etich, amesema Bodi
imeamua kufunga vitengo vya kikanda ili kuimarisha shughuli zake nchini
Kenya baada ya kupata hasara katika maduka yake ya Uganda na Tanzania.
"Maduka yetu ya Uganda na Tanzania huchangia asilimia 25 tu ya gharama
za uendeshaji. Matawi hayo mawili hayajapata faida yoyote kwa zaidi ya
miaka mitano iliyopita jambo linaloyumbisha shughuli zetu," amesema Dk
Julius
"Tuna uhakika kwamba tunaweza kuigeuza Uchumi kwa kulenga asilimia 95 ya
biashara ambazo zinaleta fedha kwa wanahisa ambao wana matumaini kwamba
tutafanikisha hili ndani ya muda mfupi," ameongeza Dk Kipng'etich.
Kwa upande wa Tanzania, juzi wafanyakazi zaidi ya 400 waligoma kwa
kujifungia ndani ya ofisi zao kwa zaidi ya saa 20 wakitaka kujua hatma
yao kwenye makao makuu ya duka hilo yaliyopo katika jengo la Quality
Center jijini Dar es salaam.
VIDEO Queen mwenye umbo tata Bongo, Agness Jerald ‘Masogange’ alifungukia penzi lake na staa wa muziki kutoka Nigeria, Davido.
Akizungumza na Amani Masogange alisema kuwa kuna uvumi unaovumishwa na
baadhi ya watu kwamba amekuwa akitoka kimalovee na Davido jambo ambalo
halina ukweli wowote.
“Kwanza kabisa Davido ni shemeji yangu lakini pia kuna ‘project’
kubwa ambayo tunaiandaa. Mtakuja kuelewa tu hapo mbeleni na si jambo la
kusema ni wapenzi bila kuthibitisha,” alisema Masogange.
